Hafðu tertu frá Tertugalleríinu í haustfagnaði fyrirtækisins

Hjá Tertugalleríinu eigum við tertur fyrir hin fjölbreyttustu tilefni. Um þetta leyti árs búum við okkur undir að kveðja sumarið og taka á móti haustinu og því er tilvalið að gera sér glaðan dag og fá sér tertu með föstudagskaffinu á kaffistofunni.

Hjá mörgum íslenskum fyrirtækjum hefur skapast skemmtileg hefð að gera sér dagamun á föstudögum og er þá oft keypt eitthvað góðgæti með kaffinu. Um þessar mundir ættu líka nær allir að vera komnir úr sumarfríum og tilveran hjá flestum að vera að falla í fastar skorður.

Vinnufélagar skiptast gjarnan á sögum úr fríinu og eru þær oft býsna skondnar enda margt brallað þegar fjölskyldan fer í sumarfrí. En líkt og annað tekur sumarfríið enda og við taka hin daglegu verkefni.

Það er því upplagt við upphaf haustsins að gera sér glaðan dag í kaffitímanum og gæða sér á ljúffengri tertu frá Tertugalleríinu.

Kíktu á úrvalið okkar og pantaðu gómsæta og girnilega tertu frá Tertugalleríinu.