Gleðilega páska

Að gæða sér á góðri tertu við hátíðleg tækifæri er gamall rammíslenskur siður sem á alltaf vel við, ekki hvað síst um páska.

Hnallþórur þóttu þannig ómissandi hluti af kökuhlaðborðinu sem fjölskyldan gæddi sér á eftir páskamessuna og helst af öllu með heitu súkkulaði. Þótti ekki verra að fá smávegis af þeyttum rjóma út í heita súkkulaðið.

Reyndar var það svo um og upp úr miðri síðustu öld, að þeim mun stærri og glæsilegri sem tertan var og því fleiri sem kaffihlaðborðið skartaði, þeim mun betur þótti til tjaldað af hálfu húsráðenda.

Hnallþóra vísar einmitt í slíkar stórtertur sem fá hlaðborðin nánast til svigna. Sjálft hugtakið er reyndar komið frá Halldóri Laxness, sem notar það í skáldverkinu Kristnihald undir jökli sem e.k. uppnefni á matrónulega húsfreyju til að gera  góðlátlegt grín að þessum gamla íslenska sið. Fram af þessari kerskni Nóbelskáldsins spratt síðan þetta skemmtilega nýyrði og má e.t.v. hafa ást þjóðarinnar á glæsilegum tertum til marks um það, hversu greiða leið það virðist hafa átt inn í málið.

Tertugallerí Myllunnar leitast eftir bestu getu við að leggja sín lóð á vogarskálarnar með girnilegum tertum sem sækja ósvikinn innblástur í ekta íslenskra hnallþórur. Má þar nefna banana- og kókusbombuna sem dæmi og marengsbombuna að ógleymdri hrísmarengsbombunni. Þá eru lafði brúðartertunar okkar, eins og lafði Grace, ekki síðra framlag til íslensku Hnallþórumenningarinnar.

Páskarnir eru hjá mörgum kærkominn tími til að slaka á og njóta. Um leið og mæla má óhikað með góðri tertu um páskana, langar starfsmönnum Tertugallerís Myllunnar að óska þér og þínu besta fólki gleðilegrar hátíðar. Hjá okkur skiptir stærð Hnallþórunnar hins vegar ekki öllu máli. Ef þér finnst tertan góð er takmarkinu náð, hvort heldur um litla eða stóra teru er að ræða hjá þér um páskana eða sykurlausa, ketó eða vegan. Aðalatriðið um páska er að lifa og njóta.