Bollakökur með mynd henta við flest tilefni

Það þarf ekki alltaf sérstakt tilefni til að fá sér eitthvað gott með kaffinu. Það getur verið sérstaklega gaman að bjóða upp á bollakökur, hvort sem er heima við, í sumarbústaðnum eða í kaffinu í vinnunni. Það toppar fátt gómsætt karamellubragðið með smjörkreminu á bollakökunum frá okkur í Tertugalleríinu. Verðið mun koma þér á óvart.

Bollakökur hafa verið vinsælar undanfarin ár en eru fjarri því ný uppfinning. Fyrst var minnst á bollakökur í bandarísku uppskriftabókinni American Cookery sem kom út árið 1796 (áhugasamir geta lesið bókina ókeypis hér). Bollakökuæðið sem gekk yfir heimsbyggðina fyrir nokkrum árum átti einmitt uppruna sinn í Bandaríkjunum, þar sem sérhæfðar verslanir sem seldu eingöngu bollakökur spruttu upp og nutu mikilla vinsælda.

Við hjá Tertugalleríinu bjóðum upp á dásamlegar bollakökur með karamellubragði og hvítu smjörkremi. Þær eru seldar átta saman á 1.753 krónur, eða um 220 krónur stykkið.

Viðskiptavinir geta fengið mynd að eigin vali á bollakökurnar. Það getur verið skemmtilegt að búa til ákveðið þema. Af hverju ekki að setja merki fyrirtækisins á bollakökurnar sem þú býður vinnufélögunum upp á í kaffinu? Eða skemmtilega mynd af börnunum á bollakökurnar sem þú býður fjölskyldunni upp á um helgina?

Það er ekkert mál að panta hjá okkur. Allar upplýsingar um pantanir má finna hér. Gerðu vel við þig og þína með gómsætum bollakökum.